الأحد، 14 نوفمبر، 2010

عيد سعيد

بسم الله الرحمن الرحيم

النهاردة 8 من شهر ذى الحجة 
بكرة ان شاء الله يوم عرفة
وبعده بإذن الله عيد الأضحى المبارك 

حاسس انى اتغيرت كتير عن السنة اللى فاتت
بقيت بخطط احسن من الاول والحمد لله 
بقيت نبريص شوية برضه ما يضرش
بقيت عصبى شويتين 
بقيت عملى اكتر
مخططى لحياتى بقى شديد العقلانية قليل العاطفة
مبقتش متفائل زى السنة اللى فاتت مثلا
حاجات كتير كنت بحبها مبقتش بحبها خالص
عمرى زاد فى السنة دى حوالى اربع أخماس عمرى الحقيقى
المستشفى وأحوال الناس جابتلى اكتئاب مزمن
اكتشفت ان فى خدعة كبيرة فى بلدنا اسمها العلم
 
 ان شاء الله العيد الجاى اكون احسن 
كل سنة وانت طيب يا بنجا 
كل سنة وكل المسلمين بخير وصحة وسعادة




هناك تعليقان (2):

Dr/ walaa salah يقول...

كل سنه وانت طيب يا بنجاواتي واكيد كل سنه هتلاقي تغيير في حياتك وشخصيتك

مفيش حاجه بتثبت على حالها


عيد سعيد

بنجاواتى يقول...

د/ ولاء

عيد سعيد عليكى وعلى كل الناس

يا رب من عيد لعيد نتغير للاحسن لحد ما يبقاش فى احسن من كده ونموت بقى وخلاص هههههههههههه

نورتينى