الجمعة، 24 ديسمبر، 2010

شكرا يا هند

بسم الله الرحمن الرحيم
اللى أنا عايز أقوله إن كل إنسان بيحب بطريقتين
حب العاطفة وده غريزة ربنا بيخلقها فينا وحب الاعتقاد وده بنتعلمه
ولأنى ولله الحمد مسلم وموحد فأنا اتعلمت إن مكّة هى أحب البلاد إلى الله وإلى رسول الله –صلى الله عليه وسلم- وبالتالى فهى أحب البلاد إلى نفسى
أما عن حب الغريزة فربنا خلقنى-وكلنا أعتقد- بأحب البلد والمكان اللى اتربيت ونشأت فيه وله فى قلبى مكانة وحنين خاص
ولكنننننننننننننننننن
تعلمت ايضا أن حب الاعتقاد لا يتغير لأنها عقيدة
أما المشاعر فهى تتقلب وحب الفطرة له قانون يحكم تغيره وهو أن النفوس مجبولة على حب من أحسن إليها وبغض من أساء اليها
وبالتالى الحب الفطرى قد يتغير وينتقل من محل إلى آخر وذلك تبعا للإساءة والإحسان...ولأننا والحمد لله فى الهند شايفين مظاهر الإحسان عمالة ترفّ علينا لحد ما غرّقتنا فاحنا كهنود بنحب الهند موت موت موت
لذلك قررنا نحن بنجا ابن أبى بنجا
أن نتعامل بمنطق القرآن فى قول الله سبحانه وتقدس "إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَئِكَ مَأْوَاهُمْ جَهَنَّمُ وَسَاءتْ مَصِيرًا "
وكذلك منطق السنة فى قول الرسول الكريم- صلى الله عليه وسلم- فى قصة قاتل المائة نفس "انطلق إلى أرض كذا وكذا فإن بها أناساً يعبدون الله تعالى فاعبد الله معهم"
ولأن صلاح الآخرة لا يكون إلا بالعمل الصالح فى الدنيا-بعد رحمة الله- فالفرار من مكان تضيع فيه دنياك –وآخرتك- أولى لأن الله لن يعذرك ولأن التعرض للفتن لن يرفعك عند الله درجات
كفانا شعارات جوفاء
وشكرا يا هند....

زمن الرجالة

بسم الله الرحمن الرحيم

من فترة كنت عايز أسأل عن حاجة فى إحدى المستشفيات الموجودة فى القاهرة وده طبعا تطلب منى إنى أسافر بنفسى لأن عندنا فى الهند لسه ما دخلوش تكنولوجيا تمكّن الإنسان من إنه يتصل بأى مكان ويسألهم عن اللى هو عايزه
المهم رحت والحمد لله وصلت وبكل بشاشة حييت مدام "أمانى" الموظفة وسألتها عن اللى أنا عايزة
أنا ترددت شوية قبل ما أسالها لأن شكلها ما يشجعش خالص إن الواحد يسألها عن أى حاجة
شكلها زى ما تكون كده والله أعلم كانت سهرانة طول الليل بتتضارب لكن اللى جه فى بالى ساعتها إن الست دى كانت طول الليل بتحاول مع المحروس جوزها لكنه مكنش فى الفورمة ساعتها واحنا عارفين أزمة الرجالة فى الهند ...مش عارف إيه اللى جاب الفكرة دى ف دماغى لكن عموما هى بدأت تنقّطنى بالاجابات المقتضبة السخيفة لحد ما وصل الأستاذ اللى على المكتب اللى جنب مدام أمانى وبسرعة استغليت إن مدام أمانى مشغولة مع صديقى وقلت أستفهم من الاستاذ التانى ده ..... وعلى غير العادة لقيت موظف بيبتسم وبدأ يفهّمنى اللى معرفتش أفهمه من الست مرجانة اللى كانت قبله دى .... المهم الراجل بيتكلم وفجأة لقيت مدام امانى قاطعته وقالتلى قدامه مش أنت سألتنى السؤال ده من شوية؟؟ فراح الأستاذ المحترم باصص لها بصة أسف وتوقف عن الكلام وساعتها عرفت إن فعلا فى أزمة رجالة فى البلد وإن ظنى أكيد كان فى محلّه

شكرا يا بيه

بسم الله الرحمن الرحيم


من فترة قصيرة اتهفيت فى مخى وقلت أروح أستخرج بيان درجات من الكلية عشان أقدمها فى إحدى المستشفيات
والحمد لله كتبت الطلب ودى الحاجة الوحيدة اللى عرفت أنجزها
فى الشئون قالولى امضيها من نائب شئون الطلبة
وطلعت لسيادته لكنه للأسف رفض يمضى على الطلب
كلمت سكرتيرة مكتب سيادته وجزاها الله خيرا خدت الطلب وقالتلى هخليه يمضيه
ولمدة ثلاث ايام متواصلة أعدى عليها وتقولى ان الراجل -اللى دماغه زى الجزمة- مش موافق ومش هيمضى إلا لما أجيب له صورة من إعلان المستشفى اللى هى فى القاهرة علشان بسسسس يمضى ع الورقة
عموما لو دى كلية أمك ودى الإمضى بتاع أمك فأنا مش عايزها يا سيد أمك
وشكرااا