بسم الله الرحمن الرحيم
كعادتهم الهنود متميزون فى كل شئ فقد حطموا كل الأرقام العلمية العالمية فى نسبة الهيموجلوبين بالدم وانفردوا بأرقام يصعب معها ممارسة النشاط اليومى أو يستحيل
والمتأمل فى هذا الأمر يجده حتما يعود الى الظروف المعيشية المتميزة للهنود وكذلك الثقافات المتميزة الأصيلة لدى الهنود المتميزين
وفى محاولة متميزة من وزارة التضامن الهندية للتخلص من هذه المشكلة المتميزة التى بالكاد يشعر بها المواطن الهندى المتميز قام مسئول فى الوزارة المتميزة بإضافة كلّ من فيتامين A وفيتامين D على زيت التموين المتميز جدا وذلك للقضاء على الحالة الأنيميائية المتميزة لدى المواطنين
والمعروف لدى غالب المواطنين الهنود المتميزين بثقافتهم أن فيتامين D هو أحد الفيتامينات المهمة والأساسية لصحة العظام وكذلك لا يخفى عليهم ان فيتامين A هو أحد الفيتامينات المهمة والأساسية لصحة الأغشية المخاطية وبالتالى فهو عنصر مهم فى سلامة القدرة الانجابية
وبتفكير موضوعى متميز توصل الإنسان الهندى الى أن هذين النوعين من الفيتامينات هما الحل المنطقى المتميز لمشكلة الانيميا الهندية
وبتفكير أكثر براعة قاموا باضافة هاتين المادتين الى زيت التموين الذى ينفرد المواطن الهندى باستخدامه فى عمليات القلى بديلا عن استخدامه فى الغرض الذى صنع من أجله هذا الزيت .....
وحرصا على مصلحة المواطن الهندى صرح مسئول متميز انه لا يمكن الاستفادة من هذه المواد التى يحتويها الزيت الا فى صورة واحدة تشترط على الفدائى أن يستخدم الزيت "على البارد" لأن التسخين او الغلى يفقد الزيت هذه القيمة المتميزة
وفى أول رد فعل هندى على الحدث أعلنت جماعة هندية متميزة تضامنها مع أنيميا الدم رافعين شعارات منها "تحيا الأنيما" وقد أطلقت على نفسها اسم "متميزون أنمويون نهضويون"
يا رب صبرنى
هناك 9 تعليقات:
كلمة متميز او مشتاقتهااتقالت كام مرة هنا !!!
ده سؤال الحلقة النهارده :-D
لا بس بوست متميز بصراحه مع اني مش فاهمه و ده بجد ولا انت بتلقح بالكلام ع حد تاني ولا ده في الهند صحيح ولا ايه النوظام اصلاً :-p
متميزة ومشتقاتها اتقالت 17 مرة
ههههههههههههههههههههه
بوست متميز صح فعلا
بس دا فعلا بيحصل ممكن توضح شوية صغنين بس
أحيي قلمك المتميز وأسلوبك المشوق الجذاب
تقبل تقديرى واحترامى
وعجبي :)
فعلا تفكير يدل على التمييز بس للأسف مينفعش نقول على المتميزين في الغباء دول هنود لأن الهنود دلوقتي بيحاولوا ينهضوا بمستواهم وبياخدوا أماكن راقية في الشغل وبيبكتروا وبيصنعوا حاجات مش موجودة عند المتميزين المزيفين
بيقولك الهنود عملوا للتومين بطاقة الكترونية ولو مخدش التومين قبل يوم 30 هيضيع عليك الشهر (شغل زمان ده انتهى )
تحياتى لاسلوبك الممتع والشيق
هههههههههههههههههههههههههه
طيب وليه الهندي الأصلي ميعملش زي المصري الأصلي
ياكل شوية فول بزيت مدعم بالفيتامينات ومعاهم فحل بصل ويعرف ساعتها
ليه المصري مشهور بجبروته
هو انا ممكن انضم لمتميزون أنمويون نهضويون
حتى لو مكنش عندي انيميا؟:)
تعرف يا عم ( الدَكتور )
سيبك انت من ( التومين ) و الكلام ده
أهم حاجة عاجباني في الأميبا إنها ...
و لا بلاش :)
تحيا الانيميا
...
فعلا الهنود أكبر نسبة أنيميا في العالم
والحكومة بتحاول يا عيني تعمل اللي عليها ؟
عقبال فيتامين سي هو كمان
أنا سمعت إن الهنود هيخلوا أنبوبة البوتجاز على بطاقة التموين
إرسال تعليق