السبت، 30 أكتوبر، 2010

المظاهرة الجمعوية


بسم الله الرحمن الرحيم

لأن النهاردة كان الجمعة يبقى كان لازم اعمل حاجات بعملها كل جمعة وطبعا الحاجات دى ساعات مش بعرف اعملها كلها لكن يعنى بحاول والله المستعان

المهم انه من حوالى 3 جمع وأنا بقيت لازم كل يوم جمعة بعد العشا أشوف المظاهرة طلعت الأسبوع ده منين
والمظاهرات دى-على حد قول المتظاهرين- بتطلع بقالها حوالى 14 أسبوع  وبيقولوا ان الهدف الأساسى للتظاهر هو الصورة دى 


وأحيانا يضيفوا للمطلب ده مطالب تانية بسيطة كده زى اقالة "بيشوى" وساعات يقولوا محاكمته ومطالب تانية

الأسبوع ده بقى جريدة الشروق شافت انها تحط للموضوع شوية فلفل وشطة فاخترعت اختراع اسمه حركة حفص وقالت فى خبرها الرئيسى انها حركة تدعوا الى الانقلاب على الحاكم وان التيار السلفى فى مصر بدأ ياخد اشكالا جديدة

والحقيقة انهم يا عينى شوية شباب محموقين ملهمش  دعوة لا بحفص ولا غيره

على الجانب الآخر وتحت سياسة دفن الرؤوس فى الرمال طلعت علينا الجريدة الفكاهية كعادتها "اليوم السابع" بخبر يحقّر من شان هذه الوقفة وانهم كانوا بالعشرات فقط وآل ايه كانت الوقفة النهاردة عشان القنوات الفضائية

وكلمة حق أقولها ان القنوات الفضائية لم تشجعهم يوما على ما يفعلونه بل بالعكس كان مما يثير غضبى من بعض العلماء على الفضائيات الاسلامية"المغلقة حاليا" انهم كانوا يدعون الشباب الى ضبط النفس ودائما ما تكررت على مسامعى فى هذه الفضائيات كلمة "المظاهرات اهدار للوقت والطاقات وان هناك أعمال أخرى أحب الى الله من هذه المفسدة" 

عموما وعلى أى حال كانت جريدة المصرى اليوم أكثرهم انضباطا حيث نقلت الحدث على حقيقته لكنها لم تنس ان تذكر المواطنين الأقباط بحالة العداء والاضطهاد الذى يمارسه المسلمون ضدهم ويعاونهم فى ذلك أجهزة الأمن -على حد زعمهم- وذلك عندما ذيلت الخبر بأن الكنيسة كانت قد أبلغت الأمن بموعد ومكان المظاهرة وأن أجهزة الامن لم تقم بمنعها

والحقيقة ان رأى المصدر اللى "رفض التصريح باسمه" ما يختلفش كتير عن الرأى اللى ف الخبر ده
http://www.israeltoday.co.il/default.aspx?tabid=178&nid=22122

فى انتظار الأسبوع القادم حيث تخرج المظاهرة من أحد المساجد بالاسكندرية

هناك 6 تعليقات:

norahaty يقول...

بصراحة مش
لاقية للمظاهرات
دى تأثير او فايدة
بأحس انها حاجات منظمة
لفائدة جهة ما لاتمسنا أحنا
كمصريين !!عن نفسى لن أذهب
لمظاهرة أو اشترك فيها فهل
ستفعل أنت؟

بنجاواتى يقول...

دكتورة nor

انا مثلك تماما لا أرى لها أثرا ايجابيا وما يحدث منذ 14 أسبوع هو خير دليل انها لا تأتى بفائدة

أنا معترض على نقل الخبر فى صورة غير حقيقته وليس معنى هذا انى متضامن مع المتظاهرين او ارى للتظاهر نفعا

تحياتى

norahaty يقول...

الأخبار الأن
تُنقل على حسب
هوى:ناقلها او
صاحب الجريدة.فى كل
يوم قرأ خبر فتجد مباشرة
من يكذبه!!!

ستيتة حسب الله الحمش يقول...

هو انا جاي لي احباط قاتلني من شوية
الصدق من كل مكان انتفى
ومفيش شيء اسمه صحافة محترمة
وحتى الأمن اللي سايب المظاهرات المحدودة دي سايبها لهدف لا يعلمه الا الله واللي سايبين

بنجاواتى يقول...

سلامتك من الاحباط يا سوتيتة هانم

يا رب اللى يكرهوكى

مسير الهدف يظهر ويبان يا دكتورتنا ونعرف ليه سايبينهم يتظاهروا كده

تحياتى

مجرد مدونة يقول...

*صدق ايه وبتاع ايه بس ما الجرايد دى كلها معروفة ومعروف اتجاهاتها

*والله انا شايف ان المظاهرات فعلا ليها أثر، على الأقل اللى حابسين الأخوات اللى أسلموا متضايقين ومتغاظين بدليل انهم بيطلبوا من الامن يوقف المظاهرات!

*إقالة شنودة دى أقل حاجة المفروض تحصل من زمان جدا زى ما السادات عمل بالظبط عشان يوقف الفتنة
والدكتور محمد عمارة قال مرة ع الجزيرة ان شنودة من أول ما مسك البابوية ابتدت تظهر الفتن دى والتقليب ده
وعجبتنى كلمة للشيخ الدكتور محمد إسماعيل المقجم كان بيقول ان على عقلاء الأقباط أن يأخذوا على أيدى من يقودونهم للانتحار الجماعى!

*حركة حفص لا تمثل السلفيين أصلا وشوف الفيديو ده:
http://www.youtube.com/watch?v=AsVG9gtat_Q

*لكن اللى بيطلع فى المظاهرات دى زى مانتا قلت بالظبط شباب محروقين من اللى بيحصل فى اخواتهم ومش بإيديهم يعملوا حاجة!

*ومسألة ان المظاهرات فى حاجات تانية أفضل منها ممكن نفرغ طاقتنا فيها فده صح فى حالات وفى حالات ما بيبقاش فى حاجة غيير كده، والمشايخ السلفيين أصلا أٌروا الناس على المظاهرات دى من باب التعبير عن رأيهم بردو والضغط على الكنيسة وإحراجها، وده مش تغيير فى موقف السلفيين لأنهم لم يحرموا المظاهرات السلمية فى حد ذاتها من قبل والله أعلم