الاثنين، 28 فبراير 2011

اللى فى ليبيا دول اخواتنا

بسم الله الرحمن الرحيم





يا مصريين يا طيبين يا أطهار ... اخوانا اللى فى ليبيا دول لحمنا ودمّنا ولازم نقف معاهم فى أزمتهم .... القوافل الطبية بفضل الله بتشتغل بكل طاقتها على الحدود وكمان دخلت للمنطقة الشرقية فى ليبيا .... القافلة الطبية بتشتغل حوالى أسبوع أو عشرة أيام وبترجع علشان تنطلق مكانها قافلة تانية وبالتالى احنا فى حاجة دائمة لجمع الأدوية والأموال اللازمة لشرائها وكمان محتاجين لناس تفرز معانا الادوية واطباء فى جميع تخصصات الجراحة..... اسألوا عن أقرب جمعية أو مكان بتخرج منه القوافل وساعد باللى تقدر عليه من فلوس أو دوا ولو كنت طبيب روح شوفهم محتاجين ايه ولو مش عارف توصّل مساعداتك لأى قافلة كلمنى وهتلاقينى عندك 

ده رقمى : مصطفى ندا 0162830638

وجزاكم الله خيرا


هناك 9 تعليقات:

موناليزا يقول...

أنا أسفة لانى مش هقدر أشارك لأنى شايفة ولاد بلدى أولى
فيه مصابين كتير اوى فى انحاء الجمهورية مصابين بعاهات بالمعنى الحرفى للكلمة وبيعانوا من سوء الرعاية والعناية الطبية
هم أولى اننا نسأل عنهم ونتبرع لهم وخصوصاً ان ثمن العمليات المقرر يعملوها مش قد امكانياتهم المادية

أهل ليبيا أشفق لحالهم وأبكى لما يحدث لهم ولكنى أشاركهم بالدعاء

Unknown يقول...

السلام عليكم

جزاك الله خيرا...

جاري النشر إن شاء الله.

Unknown يقول...

أختي موناليزا..

وجهة نظرك لها وجاهتها..

لكن من باب إتمام الفائدة وتبادل الأفكار..

يمكنك نشر الأمر على الفيس بوك.. فربما يكون هناك من تسمح ظروفه بالمساعدة دون تعارض مع جهوده داخل مصر.. اقول ربما...
لن نخسر شيئا بنشر الفكرة.

تحياتي.

ستيتة يقول...

تم يا فندم

وضعتها على تويتر وطلبت اعادة نشرها
حيث تويتر اسرع وسيلة الآن لنشر دعوة جيدة
جزاك الله خيرا

بنجاواتى يقول...

موناليزا :

اتفق معكى تماما ان احنا فى مصر فى حاجة ماسة لرعاية كل مصرى

ربنا يستعملك فى الخير اى كان شكله

هو بس عايز اقول ان ليبيا فيها ما يزيد عن مليون مصرى يعنى احنا بننقذ مصريين برضه
وكمان عايز اقول ان 30 الف جنيه مثلا ممكن تنقذ روح طفل مصرى محتاج عملية لكن ممكن برضه تنقذ ارواح 50 مصاب مظلوم

واخيرا ما ننساش ان المصريين اللى كانوا فى ليبيا رحلوا الى تونس وواقفين على الحدود والافضل ان نعامل الليبيين بما نحب ان يعاملنا التوانسة وكلنا واحد فى النهاية

ده توضيح بسيط لوجهة نظرى لكن والله احترم وجهة نظرك واتمنى انك تفعليها :)

والله مشاركتك عزيزة على قلبى
تحياتى

بنجاواتى يقول...

استاذ ماجد

جزاك الله كل الخير ونفعنا الله بك

انشر بالطريقة اللى تراها حضرتك مناسبة ونحن نعامل ربنا فى النهاية

اعتز بكلماتك دائما

بنجاواتى يقول...

الدكتورة ستيتة :

جزاكى الله خيرا

وربنا يديم الود والمحبة

زيارة جت فى وقتها للشعور باحساس الطبطبة وشد الازر .... ربنا يسعد قلبك

منورة المدونة

ستيتة يقول...

السلام عليكم
أنا في صباح يملؤه القذافي

زاي أر صصصصبورطينج أصصصص .. إتس ال كايدة الكايدة الكايدة فروم أوت صايد..صباح يبدأ بالقذافي؟ياللبهجة http://t.co/Q0RtpLj via @youtube


وأدي ربك لما يريد
يوصل الرسالة من وسع وربنا يسترها مع المصريين والليبين والهند الصديقة يا بنجا

http://paper.li/world_blogs/1296825301



http://twitter.com/#!/world_blogs

بنجاواتى يقول...

وعليكم السلام دكتورتنا العزيزة

تسلمى يا دكتورة وتسلم مصر :)
وتسلم ليبيا


الحمد لله ربنا يستعملك وينفعنا بحضرتك دايما

تحياتى