الأحد، 16 أغسطس، 2009

أشوفكم على خير بإذن الله

بسم الله الرحمن الرحيم

واضح زى ما العنوان بيقول ان انا هغيب شوية عن المدونة وده بسبب حاجة بسيطة خالص خالص ولا تستاهل وهى إن أنا وكل اقرانى من "المعذبون فى الأرض لكننا صامدون " هنبدأ امتحاناتنا بإذن الله بعد رمضان وتستمر حوالى تلات اربع شهور كده ...يعنى حاجة بسيطة وما تستاهلش الزعل ولا اى حاجة خالص
هو بصراحة لسه الوقت طويل على بداية الامتحانات لكن رمضان جه بقى وقلت أريحكم منى شوية

أنا لو كنت أعرف إنى هتعلق بالمدونة اوى كده مكنتش عملتها من البداية
لو كنت اعرف إنى هتبسط لما أدخل مدوناتكم وأعرف أخباركم بالشكل ده كنت عملت المدونة من يوم ما اتولدت
لو كنت اعرف إنى هبقى حزين أوى كده وأنا بقفل الدكانة "مؤقتا" ما كنتش فتحتها من البداية
لكن لو كنت أعرف إن التدوين ومعرفتكم هيأثر فيا بالإيجاب أوى كده كنت عملت المدونة من يوم ما اتولدت
لو كنت أعرف إنى فى يوم ممكن حد يزعل منى أو أكون سبب فى حزنه بسبب المدونة مكنتش عملتها من البداية

القصد يعنى ان أنا دلوقت عايز منكم شوية حاجات وهى كالآتى
أولا:نفسى ما يكونش أى حد زعلان منى ... ولو حد زعلان منى يخليه كريم ويسامح وده أكيد هيريح بالى ويطمّنى وكفاية إن أى حد زعل منى يعرف إنى عمرى ماكنت مبسوط وهو زعلان
ثانيا: عايزكم تدعولى كلكم ...يعنى اللى صافى واللى زعلان برضه يدعى لى
ثالثا: أى حد له عتاب أو عايز يوصل لى أى كلام ممكن يبعت لى رسالة على ال
facebook وأنا هقراهم بإذن الله لأنى موجود لآخر الأسبوع بإذن الله


أستودعكم الله الذى لا تضيع ودائعه وأستحفظكم بحفظه

هناك 70 تعليقًا:

mimi يقول...

الصدااااارة

mimi يقول...

بنجااااااااا

تيجي بألف سلامة تاني

ومستنيينك

وحاول تطل علينا من وقت للتاني ومش تنسانا
علشان مش هننساك

لا إله إلا الله

في رعاية الله يا بنجاواتي يا معطر

هتوحشنا كتاباتك والله

mimi يقول...

بنجااااااااااااااااا

طمنا عليك

سلااااااااام

في رعاية الله

۩۝۩ Dr. Flavio ۩۝۩ يقول...

لأ .. كله إلا بنجااااااااااااااا

تييجي بالسلامه يا واد يا درش

بس دلوقتي قوم يلا عشان نتقابل وننزل الكليه


أراك على خير

واحده من الناس يقول...

اخص عليا اخص
شكلى وحش
انا جيت ف التصفيات ولا ايه؟
لالالالالالالالالالالالالالالالالا
منظرى وحش
طاب قوللى اجى قبلها بشهرين
ماعلينا مش هحرمك من تعليقى بردو
يالا الحق التصفيات اهو ضل التصفيات ولا ضل المواسم
انا طبعا زعلانه ومش زعلانه
زعلانه انك مش هتدون قريب فمش هلحق اعرفك
ومش زعلانه لان ده ف مصلحتك
وربنا ينجحك يارب
الحمد لله اننا اتخرجنا
مش بغيظك يعنى لاسمح الله
ولا بحرق دمك
تقعد بالعافيه بقا

د. ياسر عمر عبد الفتاح يقول...

خلاص ,,
هتمشي

:(
ليه كده يا بنجا
(خلاص الدمعة هتفر من عيني)
ربنا يوفقك ,, شد حيلك
وكلها شهور وتبقي دكتور قد الدنيا
أيوه ,, زيي كده بالظبط :)

غروب يقول...

ايه ده

انت رايح فين يا راجل انت

؟؟؟؟؟؟؟؟؟؟؟؟؟؟

عموما ربنا معاك يارب

يارب تنجح يا تتح

بس ده مش يمنع انك تطمنا عليك من وقت للتانى مش لازم ترغى كتير بس طمنا

ربنا معاك

غروب

أم مالك يقول...

الابن الغالى مصطفى
اكيد حتصدق لما اقولك دموعى نزلت
وانا بنقرأ البوست
انا فكرت تقصد الاجازة الرمضانية
لكن كده الامر صعب
وليس لى حيلة فى الامر
يعنى ختكون مشغول للدرجة دي
حتى تدخل تطمنا عليك ولو مرة كل اسبوع
مليش دعوة بالمشوار ده
انا طبعا حوقف فى رمضان
وبعده تشوف طريقة تطمنى بيها عليك
حتى لو كتابة تعليق عندى مش حياخد
منك دقيقتين
مليش دعةو اتصرف انا مش حقدر اصبر
وحتلاقينى قلبت الدنيا
وبعدين الفسيخ والبورى والسبيط مين ح
حيكولهم ياترى قرات رد تعليقك عندى
انا بجد زعلانة
دعواتى وكل سنة وانت طيب

لقد خلقنا الله احرارا يقول...

ربنا يوفقك
ويكتب لك الخير
انا حزينة جدا

لانى لسه متعرفة على مدونتك من وقت قريب
بجد مدونة مميزة جدا
ربنا يوفقك ويكتب لك الخير
اللهم امين

ঔღঔ نـــوارة ঔღঔ يقول...

:(

:(

بجد زعلت جداااا

تصدق اني دخلت اطمن عليك من غير ما اعرف انك منزل بووست :(

وكنت عاوزة ارخم عليك كالعادة في الشات لقيتك كمان قافله

بجد مقهوورة اننا مش هنشوفك كل الفترة دي

بس المهم انه ربنا يوفقك وهدخل كل فترة اعلق عندك وكانك مووجود

ربنا يوفقك ويسعدك يارب


دمت برعاية الله

همسة يقول...

وفقك الله فى الامتحانات
وبلغك رمضان
وأكيد المدونة وكتابات حضرتك هتوحشنا
بس أكيد الامتحانات أهم
ربنا معاك ويوفقك
وهنستنى كتاباتك أكيد
دمت فى رعاية الله

وردة يقول...

كل سنة وانت طيب ويارب تنجح في الامتاحانات ويكون رمضان خير عليك
وانت كمان بجد مدونتك جميلة واكيد بننتظر نزول كل بوست
في ناس كتتير حتتغيب في رمضان وان شاء الله نطمن علي بعض بعد رمضان
ربنا يكرمك
رمضان كريم
سلام

مجداوية يقول...

السلام عليكم

كل عام وأنتم بخير

وربنا يوفقك في الامتحانات

ستيته حسب الله الحمش يقول...

بقول لك ايه
ومن غير كتر وش
ومن غير دموع وشنط والحاجات دي وخلاص مسافر مسافر
كل يومين تلاتة ألاقي أوف لاين بتقول لي انك فله
فاهم
اياااااااااااااااااااك تقعد اربع اشهر على ما اعرف اخبارك
عاوزة اخبار طازة زي الزبادي بالضبط
اهو بيبات يوم في الفرن وتاني يوم بناكله

ربنا يوفقك وشلة المعذبون في سبيل رخاء البشرية توفيقا عجبا

تحياتي

شباك موارب/منار يقول...

ايه ده يعني هنفرح فيكم؟؟؟
احنا نخلص وانتم تبدئو
ربنا معاكم يارب
ويعديها على خير
بس ليه تعتزل يعني
هي عدوى وصابتكم
وبعدين ماتقنعنيش انه ايام المذاكره مابتضيعشي ولا نص ساعه حتى
اكيد لا طبعا


على العموم كل سنه وانت طيب

الشعب لابد له من حكومه تشكمه يقول...

بالتوفيق ان شاء الله.وهفتقدك جدااااا بس كله يهون ونشوفك داكتور اد الدنيا وبتقبض 200 جنيه:))

آيوشة يقول...

لا حول ولا قوة الا بالله قطعت قلبى على فكرة
امتحانات واربع شهور وهتبعد عن التدوين وهتبطل رخامة على الناس معتقدش انك هتقدر :)
ان شاء الله يعدوا بسرعة ومش تحس بيهم وترجع تانى تصدع دماغنا من اول وجديد
ربنا يوفقك فى الامتحانات اللهم امين يارب العالمين وتبقى دكتورة رمد اااااااد الدنيا ههههههه
لا بجدر ربنا معاك ويوفقك انت وكل اللى زيك كده اللى هم معذبين فى الارض
بس حاول كل فترة كده لو كل شهر اعمل بوست صغير تتطمن الناس عليك

Bent Men ElZaman Da !! يقول...

امتحانات ايه دلوقتى :|
ترجع بالسلامه ان شاء الله
وربنا يوفقك فى امتحاناتك :)

احساس طفلة محبة للرومانسية بس واقعية يقول...

ايوة كلية طب ليها نظام غريب
غير باقى الكليات بس معرفش
ان امتحانتها فى الاجازة

ربنا يوفقك يا بينجا
وترجع بالسلامة ان شاء الله

تقبل مرورى

EMMY BABY يقول...

ههههههههههههههههههههه المعذبون فى الارض فعلا

والله فكرتنى بالهم احنا بنخلص الامتحانات فى شهر 8 وندخل دراسة فى نص 9 يعنى معذبون بطريقة اخرى

انتم دكاترة المستقبل استحمل من اجل غد افضل ههههههههههه

ربنا يوفقك يارب

والله بالرغم ان دى تانى زيارة ليا عندك لكن كنت اتمنى اعرف الدكان ده من زمان

فى انتظارك بعد الفاصل الطويل ده

وكل سنة وانت طيب

تحياتى

ايمى

Pink Dreams يقول...

ان شاء الله بالتوفيق يا جميل

ويا رب تنجح يا رب

بس بقولك ايه مش تتاخر علينا بقى

وكل سنه وانت طيب

تحياتى

اسماء واحلام فى وجدانى يقول...

كل سنة وانت طيب يا بنجاواتى

رمضان كريم

Lady E يقول...

ربنا يوفقك في امتحاناتك يا د. بنجا

بس ياريت متقفلش المدونة وخليها متاحة للقراء علشان يمكن تكتب فيها

كل سنة وانتا طيب

ورمضان كريم

ساره يقول...

بنجاواتي

ترجع بالسلامه
والله يوفقك في امتحاناتك
ورمضان كريم

قلم رصاص يقول...

بنجااااااااا حبيب قلبي

هتوحشني والله جدا يادوك

بأمانة والله وبدون رياء انا واحد من المدونين في الأرض معدتش اقدر مشوفكش عندي بتعلق .. وبتجري في المدونة وعامل زيطة وزمبليطة ههههههههههههههههه

ربنا معاك ان شاء الله في الامتحانات

وربنا يطمنا عليك

بس لازم تدخل برضه ولو كل حين يا اخي
تعرفنا اخبار الدنيا معاك ايه

رمضان كريم وكل سنة وانت طيب

واطمن ان شاء الله كلنا هتجتهد في رمضان وهنقلل من دخول المدونات عشان ندي ربنا حقه .. متفكرش تضامنا معاك ولا حاجة هههههههههههههههه

في حفظ الله

ليس فقيرا من يحب يقول...

يلهوى يا بنجا لسه هتمتحن بعد رمضان

وكمان تلت اربع شهور وهتغيب كل

المده دى

عموما ربنا يوفقك يارب

وكل سنه وانت طيب

وابقى طل من وقت للتانى متروحش وتقول

عدولى

فى حفظ الله

شـقـاوة مـراهـقـة يقول...

ربنا يوفقك يااااااااااااارب ويكرمك بكل خير يارب وتعدي امتحاناتك على كل خييييييييييييييييييييييييير

انا برضه عندي اخ فــ خامسه طب غين شمس .. اللي هيا السنه اللي مافيهاش اجازة دي ومطحوووووووووووون مذاكرة وامتحانته في رمضان والعيد برضه


ربنا يوفقكم ياااااااارب وتعدو على خيييييييييييييييييييييييير

نشوفك على خير ان شاء الله بعد اما تخلص

وابقى طمنا عليك كل حين وفين كده

وشد حيلك في المذاكرة

وخد بالك من نفسك

وكل سنه وحضرتك طيب وبالف خير وصحة وسلامة

ورمضان كريم

يلا سلامون بقى

فتاه من الصعيد يقول...

انت سنه سادسه ولا ايه ؟

ربنا يقويك ويعينك يا رب

وبالنجاح دايما

mimi يقول...

كل عام وأنتم بخير

رمضاااااان كااااااريم

اقصوصه يقول...

رمضان كريم

وكل عام وانته بخير

الله يوفقك يا رب بامتحاناتك

وبانتظار عودتك للمدونه

مع احسن الدرجات :)

موناليزا يقول...

ربنا يوفقك
وكل سنة وانت طيب

سمسم/سما يقول...

السلام عليكم
كل سنة وانت طيب
وربنا يوفقك وينجحك
تروح وترجع بالسلامة

Me7'o يقول...

هو سؤال صغير بس

لما الامتحانات أربع شهور أومال الترم أد إيه؟؟!!!!

ههههههههه

تحياتى يا دكترة وربنا يوفقك فى امتحاناتك ويطول نفسك كده لحد ما تخلص
وإبقى أعمل زى ستى تة ما قالتلك كده
خلينا نعرف أخبارك الطازة وطمنا عليك

تحياتى
كل أربع شهور وإنت طيب ورمضان كريم

ঔღঔ نـــوارة ঔღঔ يقول...

كل سنة وانت طيب

رمضان كررررررريم

اتمنى تكون بالف خير

دمت برعاية الله

أحمد سعيد بسيوني يقول...

بسم الله

كل عام وأنتم بخير

أسأل الله العظيم أن يبارك لكم في هذا الشهر الكريم ويرزقكم القول والعمل الصالح

اللهم سلمنا إلى رمضان وسلم رمضان لنا وتسلمه منا متقبلا

دمتم في طاعة

حـــلـــم كــــان يقول...

بنجا


بجد زعلت لما شفت الموضوع

هنفتقدك اوى

يارب معاك ف الامتحانات

وتجى بالسلامه

هنستناك

كل سنه وانت طيب

همس الاحباب يقول...

كل سنة وانتم بخير

ورمضان كريم
شاركوا معنا فى الخير و الفطار

http://kouskoza7.blogspot.com/

http://bekyaforsale.blogspot.com
/

http://hams07.blogspot.com/

سمسمه يقول...

ربنا يوفقك وترجع لنا بالف سلامه
رمضان مبارك
وكل سنه وانت طيب

iBRAHiM sAllAM يقول...

الحمد لله الذي عافاني مما ابتلى به دارسي الطب , و فضلني على كثير ممن خلق تفضيلا ,

رغم إني محاط بأخت أكبر و أخ أصغر في طب
إلا إني خرجت عن الدرب و دخلت هندسة ,

و الحمد لله على ذلك :)

عمرو يقول...

كل سنه و أنت طيب يا دكتور و رمضان كريم ..
عجبنى تعبيرك عن موقفك المتحير تجاه المدونه :)
و بجد فكره بتراودنا كلنا لكن يمكن مكناش عارفين نعبر عنها بالبراعه دى ..
دعواتى لك بالنجاح و السعاده و دمت بخير ..
تقبل تحياتى و تقديرى ..

ليس فقيرا من يحب يقول...

السلام عليكم

جايه امسى عليك يا بنجا

يارب تكون بخير دايما

كل سنه وانت طيب

بـسـمـــة صـــــلاح يقول...

وحشتني والله ياصاصا

الدرة بتسلم عليك والفسيخ كمان
عااااااااااااااااااااااااااا

ياترى انت فين يابني

ويهون عليك

تسدق بالله اول مرة ادخل مدونتك
هههههههههههههههههههه
والله انا مستغربه

يابني اتعود ع التكتكه خلينا نتطمن عليك

ربنا يوفقك ويسعدك يارب ويهون عليك
وتبقى دكتور قااااااااااااااااااااااااااااااد كدا

ঔღঔ نـــوارة ঔღঔ يقول...

وحشتنا يا واد يا بنجا

يارب تكوون بالف خير

وابقى طمني عنك دايما

لاني بفرح لما بشووفك عندي :)

ربنا يوفقك يارب وينجحك

:)

blue-wave يقول...

ربنا معاك ويوفقك

mimi يقول...

مش هتطمنا عليك؟

طب اي حاجة ... كلمة تعليق

اللي يطلع منك حلو

أم مالك يقول...

والله ليك وحشة كبيرة قوى يامصطفى
وطبعا كان ليك نصيب الاسد من الدعوات
فى رمضان
ربنا يوفقك ياابنى واطمن عليك بالف خير
وعيد مبارك عليك وعلى عائلتك
وكل سنة وانت طيب
تحياتى

لقد خلقنا الله احرارا يقول...

كل سنة وحضرتك بخير
اخبار المذاكرة والامتحانات ايه؟
ربنا يوفقك

لاسع افندى يقول...

تحيه وعيديه
كحك وورد
وصحبه هنيه

mimi يقول...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

ghorBty يقول...

يا الله ..

بالتوفيق يارب ..

وكل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

ليس فقيرا من يحب يقول...

السلام عليكم

كل سنه وانت طيب يا دكترة
عيد سعيد عليك وعلى كل حبايبك يارب

يارب تكون بخير والامتحانات تمام

شباك موارب/منار يقول...

كل سنه وحضرتك طيب
ويارب يكون عيدك سعيد


دعواتنا لك ولجميع زملائك
ربنا معاكم


اتمنى لك التوفيق

GiGi world يقول...

كل عام وحضرتك بخير وصحه وعافيه
تقبل الله منا ومنك صالح الاعمال
ويارب يكرمك فى الامتحانات يارب ويحقق كل دعواتك

مجرد مدونة يقول...

تقبل الله منا ومنكم وكل عام وأنتم بخير :)

تامر علي يقول...

كل عام وأنت بخير بمناسبة العيد

ووفقك الله في الامتحانات

وترجع بسرعة :)

تحياتي :)

ঔღঔ نـــوارة ঔღঔ يقول...

وحشتنا جداااااا

كل سنة وانت طيب

وعيد سعيد عليك يارب

ربنا يوفقك وترجع تنور البلوجر :)

آيوشة يقول...

ازيك يادكتور بنجا ايه الاخبار وعامل ايه فى المذاكرة شد حيلك عايزين تقدير حلو مش اى كلام وخد راحتك خالص مش تقلق يعنى عايز تغيب سنة اتنين تلاتة براحتك وراك رجالة شايلة التدوين على كتفاها هههههههه
لا بجد اان شاء الله ربنا يوقفك ويكرمك كده وتخلص على خير وترجع تصدعنا تانى باذن الله انا قولت اجى اسلم عليك واقولك كل سنة وانت طيب مع انها متاخرة :)

أم مالك يقول...

ربنا يكرمك يامصطفى
ومتحرمش ابدا من طلتك عليا
والله متعرف فرحتى اد ايه
لما شوفت تعليقك وكتبت لك الرد هناك
ربنا يوفقك فى كل خطواتك

أم مالك يقول...

ربنا يكرمك يامصطفى
ومتحرمش ابدا من طلتك عليا
والله متعرف فرحتى اد ايه
لما شوفت تعليقك وكتبت لك الرد هناك
ربنا يوفقك فى كل خطواتك

جارة القمر يقول...

يارب خير

تروح وترجع بالسلامة


شكرا لسؤالك عني

احترامي

MaNoOoSh يقول...

ربنا معاك فى الامتحانات وفى انتظار عودتك ان شاء الله

mimi يقول...

ازيك؟

طمنا عليك

الشعب لابد له من حكومه تشكمه يقول...

هااا ايه الاخبار...؟لازلت مختفى؟
يارب يكون كله كويس.

ليس فقيرا من يحب يقول...

اخبارك ايه يا بنجا

واخبار المذاكرة والامتحانات ايه

يارب تكون بخير

~PakKaramu~ يقول...

Pak Karamu visiting your blog

لقد خلقنا الله احرارا يقول...

كل سنة وانت طيب يادكتور
الامتحانات عملت ايه معاك
ربنا يوفقك ويكتب لك الخير
وترجع تانى تنور البلوجر

ليس فقيرا من يحب يقول...

كل سنه وانت طيب يا بنجا

عيد سعيد عليك وعلى كل حبايبك يارب

ربنا يوفقك

ঔღঔ نـــوارة ঔღঔ يقول...

كيييييفك يارب تكون بالف خير يارب

كل دي غيبة يابني ما كفاية بقى :(

كوووووووووول سنة وانت طيب يارب

وعيد سعيد عليك وعلى حبايبك :)

دمت بحفظ الرحمن

حلم بيعافر يقول...

كووووووول دى امتحانات؟
ههههههه دانت بتتعبوا اوى
كل سنة وانت طيب

المشخبطاتى يقول...

ترجع بالسلامة يابنجا :)