بسم الله الرحمن الرحيم
امبارح الخميس نزلت قسم أول المحلة الكبرى وهناك قعدت أدور على أى ورقة او اعلان بخصوص التسجيل فى الكشوف الانتخابية لكن ما لقتش فسألت العسكرى وقالى اتفضل هناك فى احد المكاتب
وفى المكتب لقيت راجل تطلب منّى البطاقة وبعدها قام يدوّر فى أحد الكشوف عن اسمى وبعد بحث طويل لقيت اسمى مقيد فى كشف يبدوا انه جديد وساعتها الراجل قالى انت مقيد اهو وسجل بقى الرقم ده على التليفون فسجلت الرقم وبعد كده لما روحت البيت لقيته نفس الرقم اللى فى بطاقتى الانتخابية
واضح ان الأقسام معندهاش علم ان فى حاجة اسمها انتخاب بالرقم القومى وواضح ان الراجل ده لسه مفكر ان الاستفتاء والانتخابات اللى جاية هتكون بالجداول الانتخابية
